सौज  महीने  साजे  ध्याड़  ..आसे लोक  मनाएं  सैर ,
कीड़े  गूजू  रा  मुकेया कोप ..रहे नरोगे , मनाओ  खैर
मुक्की बरखा बधली रीत..नवें  नाज  लेयाई    सैर 
धाना रा सिल्ला ,छल्ली रा टूटू … पेठु ,गंब्हरू ,मंगाई सैर

कोठा ,कूरी ,वांगा री बूटी..डैनी रे फूले सजाई  सैर ,
कुंडू  मंझा ,पीदू  परा ..कमरे कूणे     रखाई  सैर
पाणी रा लोटा ..द्रुबा री डाली ,छीटे दित्ते नुहायी सैर
टिका लाया ,कुंगू रा ..डोरी सालू ए  ढकायी   सैर

जोत भखाई धूप  धुन्खाया ..ढकेया मूंड , पुजाई सैर
चांदी रुपैये ,बांदेया पेठु ..चढ़तर खोड चढ़ाई   सैर
मिल्ली  असीस ..सौगी खोड ,आमा बापू रे  बांदे पैर ,
भल्ले खादे .. बाबरु खादे  ,घरा घरा मनाई सैर 
अगली भ्यागा विदा कित्ती ..दर्यावा नेड़े पुजाई सैर
आदरा कन्ने ,माथा टेकेया ..पाणी मंझा परभाई सैर
आवन्दी साला भी के ल्यावंगे …रहे लोडी टांटी टोर ,
नवें नवें पकवान ख्वांगे …खुसी  खुसी  मनांगे सैर

ऐसे ही और भी रोचक पोस्ट्स और हिमाचली संस्क्रति ,हिमाचली शादियों के लिए हिमाचली रिश्ता डॉट कॉम के फेसबुक  पेज को लाइक करे,हिमाचली समुदाय में अच्छे अच्छे रिश्तो के लिए हिमाचली रिश्ता डॉट कॉम  की वेबसाइट पर फ्री रजिस्टर कर के अपना उचित  जीवनसाथी चुने

लोहड़ी के बारे में पढ़े इस लिंक पर क्लिक कर के