Himachal Pradesh Poems ” बकरियां “
हरी भरियां छैल धारां चिटियां कालियां बकरियां,
चुगदियां घा पत्राह लम्मे वालां बालियां बकरियां।
अवाजां पछाणी कने रुकदियां तुरदियां मुड़दियां,
गद्दियां चोला डोरा पाई संभालियां बकरियां।
वर्फ़े दी चिटी चादर जाहलू ओढ़दियां धारां,
सियालें मदानी इलाकेयां उतारियां बकरियां।
पहाड़ां विच वसदे सिधे सादे मेहनती माहणु,
खेती करे कोई कने कुन्ही पालियां बकरियां।
गद्दियां दे कुत्ते होंदे वफादार वड़े होशियार,
जिन्हा चोरां जानवरां ते रखवालियां बकरियां।
‘भगत’ चरवाहे गद्दियां दियां क्या रीसां जिन्हा,
हंडी धारां जंगल खड़ैतरीं चारियां बकरियां।
तो यह थी Himachal Pradesh Poems ” बकरियां ”
रचना : भगत राम मंडोत्रा
क्या आप हिमाचली है और अपने या किसी रिश्तेदार के लिए अच्छा रिश्ता ढूंड रहे है ?आज ही गूगल प्ले स्टोर से हिमाचली रिश्ता की एप डाउनलोड करे और चुने हजारो हिमाचली प्रोफाइल में उचित जीवनसाथी हिमाचली रिश्ता डॉट कॉम पर
Facebook Comments
Leave a Reply