Shahil Thakur,Kangra ( Being Pahadi) एक बरी इक बाँदा रेलगड्डियां च था बैठया, अपणे दो छोटे
बच्चयाँ कन्ने |
बंदा तां चुपचाप था बैठ्या पर तिनां दुंईं बच्चयाँ बड़ी धमाल
थी पयियो..
इक्की बच्चे जो सिरें पट्टी थी बन्नियो पर सेह भी
चुपचाप न बैठें | कदी कुसी दे सिरे च मारी देण कदी कुसी जनानियां दिया गुता जो ही खिंजी जाण.. कन्ने बड़ा
रोला था पाया..
पर उनां दा बापू चुपचाप न तिनां जो दिखे कने नां ई तिनां
जो रोकें |
बड़ीया देरा बाद इकी जनानी जाई करी जिस बन्दे जो
बोल्या “है क्या तुहांजो इन्हा बच्चेयाँ जो चुप ता करा, सारे लोकां जो परेशान कितेया”..
बंदा बड़ा मायूसिया कन्ने तिस बखी दिखणा लग्गा कन्ने
बोल्या ” तुसां इतनेे कन्ने ही परेशान होई गये, मेरी लाड़ी
हॉस्पिटले च है, एक होर न्याणा होणे वाला है, मेरी सस कल
मरी गयी.. मिंजो ए नी पता लगाादा लाड़िया वल जाएँ की
सोरेयाँ दें.., इन्हां दुंईं जो लेई करी लाड़िया वल था चलया .. स्टेशना पर
दोंनो लड़ी पये .. छोटे वालें बड्डे दे कन्ने मुच मारी दिता ..
बड्डे आले ने रेलगड्डीया दीयां टिकटां ही खायी लियां ..
तां ट्रेन चलणे वाली थी…मै डॉक्टर था तोपादा.. उपरा ते फ़ोन
आई जाण.. बढ़िया मुश्किला ने पट्टी करवाई… दौड़ी दौड़ी
ट्रैन पकड़ी.. अधा समान जल्दबाजीया च बाहर ही रेई गिया.. पैसे भी बाहर बेगे च रही गये.. कन्ने हुण मिंजो पता लगया
की.. मै तां बैठी भी गलत ट्रेना च गिया, मिंजो तां ए नी
पता लगादा मैं करुं तां करुं क्या हुंण “.. क्या तुसां मिंजो ते भी
ज्यादा परेशान हन ??
Facebook Comments
Leave a Reply